Karla Lekuona futbol zelaia berritzeko lanekin hasi dira
1.834.000 euroko aurrekontua du eraberritzeak, eta urte amaierarako amaitu nahi dituzte lanak. Asteartean hasi zituzten lanak.
Beharrezko materiala eta makineria ekarrita, asteartean hasi zituen udalak Karla Lekuona futbol zelaiko itxitura eta barandak kentzen.
500 oiartzuar inguru ibiltzen dira OKEn futbolean, eta zaiala “behar eta erabilera berrietara” egokitzeko ekin diete obrei. Belar artifiziala jarri eta argiteria berrituko dute, partiduez gain entrenamenduak ere bertan egin ahal izateko. Gainera, futbol 11rako joko eremu bat eta futbol 7rako bi eremu markatuko dituzte. Ureztatze eta drainadura sistema berriak ere jarriko dituzte, eta zelaia inguratzen duen hesia aldatuko dute. Azkenik, sarrera eta kanpo aldea ere itxuraldatuko dituzte, “irisgarritasuna hobetzeko”.
1.834.000 euroko aurrekontua du eraberritzeak, eta urte amaierarako amaitu nahi dituzte lanak.
