Pasaia Musikalen matrikulatzeko azken egunak
Datorren ostegunean itxiko dute matrikulatzeko epea, eta oraindik zenbait espezialitatetan plazak daudela jakinarazi du eskolak.
Pasaia Musikalek dena prest du 2024-2025 ikasturterako, datorren ostegunean (hilak 19) emango diote hasiera. Joan den ekainean zabaldu zuen matrikulatzeko epea, eta oraindik espezialitate batzuetan plazak daudela jakinarazi du udalak. Hala, 4 urtetik gorako herritarrei ikasturtean parte hartzera deitu dituzte. “Pasaia Musikal Musika Fundazio Publikoak interesa duten guztientzat hezkuntza eskaintza zabala du 4 urtetik aurrera, adin mugarik gabe: musika eta mugimendua, musikaren hizkuntza, instrumentu sorta osoa, kantua, instrumentu taldeak eta abesbatza”, diote udaleko iturriek.
Izena emateko eta informazio gehiago jasotzeko lotura honetara jo daiteke. Bestela, 943 39 60 55 telefono zenbakira hots egin daiteke.
