Oiartzuarren asteburuko partiden emaitzak
Oiartzun KE eta Oiarpeko kirolariek hainbat partida jokatu dituzte asteburuan; Oiartzun KE-k bi, eta Oiarpek hamar.
Larunbatean (hilak 14) izan zuen Oiartzun KE-k lehen partida. Gizonezko ohorezko erregionalak ligako lehen partida jokatu zuen Arrasaten, Mondragonen aurka. Kontatu dutenez partida gogorra izan zen, baina hasieratik hobeak izan ziren oiartzuarrak. Lehen zatian ez zuten aukera askorik izan, baina bigarrenean sartu zuen garaipenaren gola Leonetek, 80. minutuan. 0-1 irabazi zuten.
Igandean (hilak 15), aldiz, emakumezkoen hirugarren mailako taldeak izan zuen hitzordua Astigarragan Oberenaren aurka, eta 3-1 irabazi zuten oiartzuarrek. Partidak bi zati ezberdin izan zituela kontatu dute kirolariek; lehenengoan ez zuten baloiaren kontrola eduki, eta ez ziren gailendu. Oro har, ez zutela sufritu kontatu dute, eta deskantsura iritsi baino lehen aurreratu ziren etxekoak.
Bigarren zatian, aldiz, hobekuntza batzuk egin zituzten, eta zelai erdia kontrolatuta zutela aukerak sortzen hasi ziren Oiartzun KE-koak. Horrela, bigarren gola sartu zuten, eta nahiz eta hanka sartze baten ondorioz 2 eta 1ekoa sartu zuten Oberenakoek, hirugarrena sartzea lortu zuten etxekoek partidari amaiera emateko. Begok gol bat sartu zuen, eta Lizasok beste biak.
Oiarpek ere hamaika hitzordu izan ditu ostiral eta larunbatean. Zehazki hamar partida jokatu dituzte, eta horietatik bost irabazi ditu.
Hona hemen emaitza guztiak:
