Entrebescant Ensemble taldeak kontzertua emango du, etzi
20:00etan izango da kontzertua, Landetxen. Emanaldia Oiartzungo Erdi Aroko II. Jardunaldien baitan egingo dute.
Entrebescant Ensemble Erdi Aroko musika taldeak Nafar Erresumaren historia musikatua kontzertua emango du Oiartzungo Erdi Aroko II. Jardunaldien baitan ostiralean (hilak 20), 20:00etan, Landetxen. Doan izango da kontzertua, baina sarrerak aldez aurretik hartu behar dira esteka honetan.
Kontzertuan Nafarroako Erresumaren kronologia azalduko dute, pasarte esanguratsuenak azalduz eta musika tartekatuz.
Erdi Aroko eta Iberiar Penintsulako ondare tradizionalaren interesagatik elkartu diren bost interprete eta ikertzaile dira taldea osatzen dutenak, eta haien ustez garrantzitsuak diren egoera sozialak erakusteko helburuarekin, Erdi Aroa bere berezko musikaren bidez behatu eta aztertzen dute. Proposamen honetan Alaia Belaunzaran, Livia Camprubí, Bea Peña, Pablo F. Cantalapiedra eta Víctor Gallegok musika historiko eta tradizionala historiarekiko eta letra zaharrekiko duten gustuarekin elkartzen dute. Ikerketaren eta jatorrizko iturrien bitartez, ahozko eta idatzizko tradizioen eta horiek garatu ziren testuinguru eta lekuen arteko loturak aztertzen ditu boskoteak. Prozesu horretan, gaur egungo ikuspegitik hausnartzea merezi duten dinamika sozialak, bizimoduak eta balioak aurkitzen dituzte.
