'Mira hadi' lanak emango dio hasiera Oiartzungo antzerki asteari
Igandean (hilak 22) izango da antzerkia, Landetxen. Eulalia Abaituaren pasarte esanguratsuak eta argazkirik ikusgarrienak izango dira ardatz.
Igandean (hilak 22) hasiko dute Oiartzungo antzerki ikasturte berria, eta Mira hadi lana izango da ikasturtea zabaltzeaz arduratuko dena. Eulalia Abaituaren bizitzaren pasarte esanguratsuak eta batez ere bere argazkirik ikusgarrienak izango dira istorio honen mamia.
Antolatzaileek esan dutenez, ikuskizun honek ikus entzunezkoak, teatroa eta musika uztartzen ditu, eta Mira hadi -ren xedea emakumeen historia ahalduntzea eta ikustaraztea zein gure memoriaren garrantzia aldarrikatzea dira.
19:00etan izango da saioa, eta sarrerak salgai daude esteka honetan.
Sinopsia
Argazkilaritzari buruzko hitzaldi bat ematera doa aditu bat (Maria Urcelay). Haren ondoan musikari batek (Lide Hernando) soinu banda jarriko dio berbaldiari.
Milioika selfie ateratzen diren saio honetan, gure memoria bisuala nola osatu den kontatuko eta kantatuko dute taulen gaineko bi sortzaileek. Nola begiratzen zion gizarteari Abaituak, zer enfokatzen zuen eta zer ondare utzi zion baliogarriak izango dira gogoeta egiteko.
Publikoari begira, laugarren horma puskaturik, protagonistek emakume aitzindari honen gorazarre plazaratuko dute.
Ikuskizun honek haren bizitza puskak kontatuko ditu begirada garaikide baten bitartez.
