Ate irekien jardunaldia udal kiroldegietan astelehenean
Kirolaren Europako Astearekin bat egin du udalak eta horren harira egingo ditu jardunaldiak hainbat kirol diziplinetan.
Fanderiako igerilekua itxita izango da hilaren 10etik 23ra biak barne. Kirolaren Europako Astearekin bat egin du Errenteriako Udalak, eta horren harira, ate irekien jardunaldiak antolatu ditu udal kiroldegietan. Astelehenean, hilak 23, izango da hori, eta parte hartu nahi duten herritar orori irekiak izango dira.
Hainbat kirol diziplinetan izango da parte hartzeko aukera: Pilates 10:00etan eta 17:00etan; GAP 11:00etan eta 18:00etan; eta Dance 12:00etan eta 19:000etan. Jardueren aplikazioan erreserba egin behar dela gogorarazi du udalak, 48 ordu lehenagotik izango da zabalik. Igerilekuko abonua duten pertsonek eta abonatuak ez daudenek ere 48 ordu lehenagotik eman dezakete izena, baina aurrez aurre instalazioetako harreran edo telefonoz.
Informazio gehiago lortzeko Galtzarabordako eta Fanderiako udal kiroldegietako harreretara jo dezakete interesdunek 943 44 96 90 edo 943 34 44 23 telefono zenbakietara deituta.
