Larunbatean, kantu jira
Sasoiko lehen kantu jira egingo dute larunbat honetan (hilak 21) Lezon. Euskal kantuen kaleko aro berria hasiko da horrela.
Lezoko kantu jirak gogotsu hasiko du larunbatean ikasturtea. Antolatzaileek aurreratu dute hilabete guztietako hirugarren larunbatean aterako direla kalera euskal kantuekin herrigunea epeltzera. Hala, larunbateko 12:30ean irtengo dira euskal melodien zaleak Aiton Bordatik, Kaialden eta Kale Nagusian geldialdia egin, eta Gurutze Santuaren plazan bukatuko dute bide gozoa
Honakoak dira bitarte horretan abestuko dituztenak: Ameriketara joan nintzen, Amaren besoetan, Amodio zoin den zoroa, Ama, Urtxintxak, Guk euskaraz, Behin batean Loiolan, Ikusten, Elizatikan konbenturaino, Nire herriko neskatxa maite, Maitiak galde egin zautan, eta Matalaz. Abestien letren kopiak hasi aurretik emango dizkiete partaideei.
“Anima zaitezte. Gure asmo bakarra, gure kantekin giro atseginean eta lagun giroan, abesten gozatzea da”, esan dute antolatzaileek.