2025eko proiektuak eta aurrekontua azaltzeko, auzo batzarrak
Hilaren 30ean (astelehena) izango dira lehen bilerak; pleno aretoan izango da bat, eta frontoi ondoko lokalean bestea.
Datorren urtean gauzatuko dituen egitasmo nagusiak eta horretarako osatuko duen aurrekontua zehazten ari da Oiartzungo Udala, legealdirako onartu zuen plana oinarri hartuta. Udal ordenantzak berritzeko garaia ere badenez, hainbat berrikuntza txertatu dituztela azaldu dute.
Zinegotziek eta udal teknikariek landu duten proposamena herritar eta eragileekin aberastu nahi dute Oiartzungo lehentasunak eta beharrak aintzat hartuko dituen proiektua osatzeko asmoz. Horretarako, auzoz auzo bilerak egingo dituzte hilaren 30etik urriaren 3ra, eta hitzordu horietan auzo bakoitzean egin diren lanen errepasoa egiteaz gain, eskaerak ere jasoko dituzte.
Hauek dira hitzorduak:
- Elizalde: Hilak 30 (astelehena) 18:00, pleno aretoan.
- Arragua: Hilak 30 (astelehena) 18:00, frontoi ondoko lokalean.
- Iturriotz: Urriak 1 (asteartea) 18:00, auzo lokalean.
- Gurutze: urriak 1 (asteartea) 18:00, Bizardia elkartean.
- Ugaldetxo: urriak 2 (asteazkena) 18:00, auzo lokalean.
- Ergoien: urriak 2 (asteazkena) 17:30, Auzokalte elkartean.
- Altzibar: urriak 3 (osteguna) 18:00, auzo lokalean.
- Karrika: urriak 3 (osteguna) 18:00, Artaso elkartean.
