Atlantikaldiak blaituko ditu; euriak, auskalo
Atlantikaldiarekin gozatzera irten dira plazetara herritarrak, gaur ere. Arratsaldean, haurrei begirako eskulan tailerrez gain, kontzertuak izaten ari dira nagusi jaialdiaren lau agertokietan.
Herrixkan, The Donkey Ridersen kontzertua entzuten. Eguraldi iragarpenak hainbat moldaketa egitera derrigortu ditu Atlantikaldiaren antolatzaileak. Lekualdaketa batzuk izan dira, baita kontzertu batzuen kasuan hasiera ordu aldaketa ere segurtasuna bermatzeko. argi dute, ez dute ekitaldirik bertan behera utzi, eta antolatuko jarduerak guztientzat seguruak izatea nahi dute. (Hemen kontsulta daitezke gaurko jardueretan egindako aldaketak).
Iragarpenak iragarpen, ez dute hutsik egin herritarrek. Euriak bustiko ditu akaso; ziurra dena Atlantikaldiaren musika eta kulturak zipriztinduko dituela da, blai-blai egin arte. Gaur denera, 11 kontzertu izango dira, Atlantikaldiak dituen ekitaldi beste, eta hamaika bizipen, emozio, eta koloreekin jantziko ditu bazterrak jaialdiak, bertaratzen den orori esperientzia bakar errepikaezina oparitzeko.
Atlantikaldiaren egitarau osoa ikusteko, egin klik hemen.
