Bizikletak erabiliz, energia argindar bihurtzea helburu
Iratzerrik erronka bat luzatu du Garagardo Festako gauetarako: bizikletak erabiliz energia argindar bihurtu eta autokontsumitzea.
Datorren astean (hilaren 26tik 28ra) egingo dute Karlos Saldise plazan Tiñelu elkartearen hamargarren Garagardo Festa, eta jai giroa nagusituko bada ere, Iratzerri Lezo Ingurumen Elkarteak auzolanerako deia egin du erronka baten bidez. “Garagardo Festak dirauen bitartean, spinning-eko bizikletak erabiliz gure energia argi indar bihurtu eta autokontsumituko dugu”. Hain zuzen, helburua urrian abiatu nahi duten Energia Komunitatearen sorrera girotzen hastea da.
“Berdin dio sasoi handiagoa edo txikiagoa izatea, guztiok egin dezakegu ekarpena. Erronka kolektiboa izango da!”, dio Iratzerrik. Erronka bikoteka egin beharko da, eta helburua da 1Kg CO2 ez isurtzea da, eta hori 2500Wh sortuz gero lortuko dute.
Aurreratu dutenez, zozketak eta sariak egongo dira. Aurkezpena eta izen ematea ostegunean (hilak 26) izango da, 19:30ean.
