'21 aulki' ekimena, Oiartzungo Ehuntze sormen espazioan
Duela zortzi urtetik antolatzen diren diziplinarteko arte jardunaldiak dira. Urrian Ainara Lasaren 'Azalera' erakusketa egongo da ikusgai.
Ainara Lasa. Argazkia: Mendi Urruzuno. Metrokoadroka kolektiboak 21 Aulki ekimena antolatu du Oiartzungo Ehuntze sormen espazioan.
21 Aulki duela zortzi urtetik Oiartzunen antolatzen diren diziplinarteko arte jardunaldiak dira, eta 2023tik urtean bitan ari dira antolatzen artista baten erakusketaren bueltan. Aurtengo udaberrian Allende Arnaizen erakusketa egon zen ikusgai, eta urrian Ainara Lasaren Azalera erakusketa ikusteko aukera izango da.
Ildo beretik, arte erakusketarekin lotura, hainbat ekitaldi antolatu dituzte erakusketaren espazioan bertan. Behean dago egitaraua, osorik.
Proiektu honen testuinguruan, Metrokoadrokak argitalpen proiektu berria jarri dut martxan, Artemugarri. Lehenbizi, Allende Arnaizen erakusketan oinarritutako Birsortu artista liburua argitaratu zuten, eta Ainara Lasaren Azalera liburua izango da hurrengoa.
21 Aulki egitaraua: Azalera.
- Erakusketa: urriaren 4tik 23ra. Astelehenetik ostiralera 17:00 – 19:30 eta larunbatetan 11:00 – 13:30.
- Urriak 4, ostirala: Erakusketaren Inaugurazioa eta liburuaren aurkezpena.
- Urriak 9, 10, 17 eta 23, 14:30: Bisita gidatuak eta Azalaren oihartzunak tailerra, LH4ko haurrekin.
- Urriak 11, 19:00: Azalerari bertsotan. Erakusketaren harira, Alaia Martin, Karmele Mitxelena, Iraitz Mateo eta Uxue Alberdi bertsolariak ariko dira.
- Urriak 13, 27, 17:00: Haur filosofia azalera. Oi(h)artzun Filosofikoa taldearekin elkarlanean, haurrentzako pentsamendua eta arte tailerra.
