Noka ikastaroa antolatu du Ttur-ttur Euskaltzaleon bilguneak
Hilaren 24tik azaroaren 28ra izango da ikastaroa. Ostegunetan izango dira saioak, 18:00etan, Elorsoro kiroldegiko bilera gelan.
Ttur-ttur Euskaltzaleon bilguneak Noka ikastaroa antolatu du hilaren 24tik azaroaren 28ra. Ostegunero egingo dituzte saioak Elorsoro kiroldegiko bilera gelan, 18:00etan.
“Hikaren erabilera asko jaitsi da, oro har, Euskal Herrian; badira hika guztiz galdu duten herriak eta badira oraindik hika bizirik mantentzen duten herriak. Oiartzun azken horietakoa da, baina hikaren erabilera ia gizonezkoen eremu bihurtu da; tokak kalean presentzia handiagoa du nokak baino, eta ez da kasualitatea”, diote antolatzaileek.
Hain zuzen, egoera hori aldatu eta bultzada eman nahi diote nokari Ttur-tturrekoek.
Ikastaroa doan da, eta izena emateko azken eguna hilaren 21a izango da. Horretarako 943 26 01 82 zenbakira deitu, beheko QRko inprimakia bete edo helbide honetara mezu bat idatzi behar da.
