'Iparra galdu gabe' orientazio jolasa familientzat, Arditurrin
Datorren larunbatean (hilak 12) izango da hitzordua. 10:30ean hasiko da jolasa, eta 20 minutuero hasiko dira txandak.
Hilaren 12an (larunbata) “familian goiz dibertigarri bat pasatzeko plan ezin hobea” izango dute oiartzuarrek Arditurrin. Izan ere, Iparra galdu gabe orientazio jolasa egingo dute parketxean, eta bertako inguruetan zehar bisitariek froga ezberdinak bilatu beharko dituzte.
10:30 eta 12:10 artean izango da jolasa, eta txandak 20 minutuero hasiko dira. Jolasa elebiduna izango da, eta haurrek 3€ eta helduek 5€ ordaindu beharko dituzte parte hartzeko. Izena aurrez eman behar da.
