Altzibarren hutsik dauden hiru lokal enkantera aterako ditu udalak
Zehazki, Olalde kaleko 3 eta 4 helbidean dauden 1, 2 eta 4 zenbakidunak dira lokalak. Albistean daude xehetasun eta oinarri guztiak.
Altzibarren hutsik dauden hiru lokal komertzial enkante publikora aterako ditu Oiartzungo Udalak. Lokalak, zehazki, Olalde kaleko 3 eta 4 helbidean dauden 1, 2 eta 4 zenbakidunak dira, eta udalak auzoari zerbitzua emango dioten ekipamendu pribatuetara bideratu nahi ditu. Ezingo dira, beraz, etxebizitza bihurtu.
Lokalek 75,22; 61,84 eta 48,62 metro karratu dituzte, eta horien balioa 47.997,40 euro; 39.087,30 euro eta 25.712,83 eurokoa da. Proposamenak lokal bakoitzerako aurkeztu behar dira, eta prezioa berdindu edo hobetu ahal izango dute interesdunek (eskaintza altuenak egiten dituztenei esleituko zaizkie lokalak).
Hogei eguneko epea dago eskaerak aurkezteko, eta oinarriak hemen aurki daitezke.
