'Gau beltz on' eta 'Gau Beltzaren Argitan' plazaratuko dituzte
Ipuina eta abestia dira hurrenez hurrez hilaren 13an (igandea) Landetxen aurkeztuko dituztenak. Sarrerak aurrez hartu behar dira.
Gau beltz on ipuina eta Gau Beltzaren Argitan abestia aurkeztuko dituzte Landetxen igandean (hilak 13). Abaraxka eta saltsa guztien perrexila dira ekitaldiaren antolatzaileak, eta Oiartzungo 1545 argitaletxeak kaleratuko ditu.
Duela hamar urte ospatu zuten herrian lehen aldiz gau beltza, aitzakia polita iruditu zitzaielako haurrekin heriotza eta beldurra lantzeko. Festak zabalkundea izan du urteen poderioz, eta Gau Beltza festaren oinarriak biltzen zituen, festa aberastuko zuten eta zabalkunderako baliagarriak izango ziren euskarriak sortzeari ekin zioten antolatzaileek; desira horietatik eta sortzaile ezberdinen lanari esker sortu dira Gau beltz on eta Gau Beltzaren Argitan.
Ekitaldia 17:00etan izango da, eta sarrera aurrez hartu behar da, hemen.
