Pello Añorga eta Aitziber Alonsoren album ilustratua aurkeztuko dute
'Liburua' album ilustratua Añorgak idatzi eta Alonsok ilustratu dute, eta astelehenean aurkeztuko dute Manuel Lekuona udal liburutegian.
Pello Añorgak idatzi eta Aitziber Alonsok ilustratutako Liburua album ilustratua aurkeztuko dute astelehenean (hilak 14) Manuel Lekuona udal liburutegian, 17:00etan.
Album ilustratuak liburuen bizitzaz, egiten dituen bidaiez, sorrarazten dituen emozioez, irakurzaletasunaz… hitz egiten du, eta haurrekin egin nahi dute aurkezpena. “Haurrek hitza jarriko diote sentitu edo pentsatutakoari”, eta han eta hemen egindako saioetan jasoko dituzten ideia eta irudiekin kantu bat sortuko dute. Horretarako Astelehen goizak taldearen laguntza izango dute.
