Leire Martinezek La Oreja de Van Gogh taldea utzi du
Hamazazpi urte egin ditu talde horretan abeslari Martinezek. Sare sozialen bidez zabaldu du berria talde donostiarrak.
Leire Martinez abeslari errenteriarra. Leire Martinez errenteriarrak ez du jarraituko La Oreja de Vangogh taldeko abeslari izaten. Sare sozialen bidez jakinarazi du erabakia talde donostiarrak. Martinez, 17 urtez izan da La Oreja de Vangogh taldearen ahotsa.
Martinezek eta talde donostiarrak ibilbide profesionala bereizita egitea erabaki dutela jakinarazi du taldeak Facebook bidez: “Gogorra izan da erabakia eta zaila, baina hausnarketa eta elkarrizketa sakonen ondotik heldu da; ez dugu lortu horietan taldea bizitzeko moduak hurbiltzerik izan”.
Orain arteko bidea “liluragarria” izan dela esanda, “bihotzean” gordeko dutela gaineratu dute, “munduko profesiorik onena amestutako moduan bizitzeko aukera eman digu etapa honek”.
