Etxebizitza mahaia deitzeko eskatu dio PSE-EEk EH Bilduri
Alderdi politiko guztien ordezkaritza izango duen mahaia osatzea erabaki zela duela zorti hilabete Udal Etxebizitza Planaren barruan esan dute sozialistek, eta oraindik ere ez dela osatu.
Errenteria-Orereta izan da izendapena jasotzen EAEko lehen udalerria. Idatzizko eskaera erregistratu du PSE-EEk Etxebizitza Mahaia osatzeko eskatzeko. Isaac Palencia sozialisten bozeramailearen esanetan, duela zortzi hilabete Udalerriko Etxebizitza Plana onartzearekin batera alderdi politiko guztien ordezkaritza izango zuen Etxebizitza Mahaia eratzea adostu zela: “Udalerrian etxebizitza arloan ditugun erronkak lantzeko”.
Mahai hori ez dela gaur gaurkoz eratu, eta hura deitzeko eskatu dio EH Bilduri. Agerian jarri du etxebizitza parkearen egoera Palenciak hedabideetara helarazitako prentsa oharrean, “alokairuzko etxebizitzen eskaintza hutsala da, eta prezioa ikaragarria. Bien bitartean, iragarkiak gero eta ugariagoak dira alokairu turistikoa kudeatzeko atarietan”.
Errenteriakoa “bizitegi krisia” dela eta “jasanezina” dela egoera erantsi du sozialisten eledunak, eta haien ustetan, EH Bilduk hamarkada luzea daramala etxebizitza plan “argi” bat garatu gabe, “eta horrek areagotu egin du etxebizitzaren arazoa”.
