Gaztelekuak ezagutzeko gonbita, puzgarri eta jokoekin
Hilaren 18an Beraungo gaztelekua eta 25ean Gabierrotakoa sakon ezagutzeko aukera izango dute 13-17 adin tartekoek.
Beraungo gaztelekuaren barrualdea. Errenteria-Oreretako bi gaztelekuetako arduradunek besoak zabalik dituzte 13-17 adin tarteko gazteak jasotzeko. Haiei begira, bi azpiegiturak ezagutzeko jarduera bereziak prestatu dituzte gaztelekuetan, zehazki hilaren 18an Beraungoan, eta 25ean Gabierrotakoan. Bietan ala bietan, 18:00etatik aurrera, haiei begirako zerbitzuen informazioa jasotzeaz gain, hezitzaileen taldeak prestatutako puzgarri eta jokoak izango dituzte gozagarri gazteek.
Beraungo gaztelekua San Marko kaleko 7-9 zenbakietan dago, Pablo Sorozabal plazan. Gabierrotakoa, berriz, Gabierrota kaleko 5. zenbakian. Ikasturtean zehar asteazkenetik larunbatera izaten dira zabalik, 17:30etik 20:30era.
Ekintza horiei buruzko informazio gehiago nahi dutenek, Gazteria Sailarekin harremana egin dezakete, 943 44 96 06 telefono zenbakira deituz edo posta elektronikoz.
