Oarsoaldeko bost bikote Euskal Herriko Dantza Solte Txapelketan
Seguran izango da jokoan, larunbatean, Euskal Herriko 48. Dantza Solte Txapelketa. Oarsoaldeko bikoteak faboritoen zerrendan daude.
Donostian aurkeztu zuten atzo txapelketa. Atzo aurkeztu zuten, Donostian, Euskal Herriko 48. Dantza Solte Txapelketa. Larunbatean (hilak 19) da. Segura izango du berriz ere agertoki goi mailako dantzarien topaguneak, zehazki Baratze pilotalekuak, 18:00etatik aurrera (ateak 17:00etan zabalduko dituzte). Gauean ETB1en emango dute Hamahiru bikote izango dira lehian, horietatik bost Oarsoaldekoak. Faboritoen zerrendan daude bikote horietako dezente.
Maren Galvez-Gorka Granado, Ane Anuariz-Mikel Esnaola, eta Ane Jaunarena-Endika Osa bikoteek Lezo ordezkatuko dute Seguran; Katerin Artola-Iker Belintxon eta Mikel Artola-Manex Elgeta bikoteak, berriz, Oiartzunen ordezkari izango dira. Ez da ausazkoa esatea bikote horien artetik txapelaren jabe izan daitekeen baten bat atera daitekeela. Izan ere, Maren Galvez-Gorka Granado bikotea 2023ko txapelketan bigarren izan zen, eta 2021eko ekitaldian irabazle. Katerin Artola-Iker Belintxon bikotea, berriz, laugarren izan zen iazkoan, eta txapelaren jabe 2020koan. Iaz, gainera, Ane Jaunarena eta Endika Osa lezoarrak seigarren sailkatu ziren., eta Ane Anuariz eta Mikel Esnaola bederatzigarren.
Iaz, Saioa Galarraga eta Julen Murgiondo bikote bergararrarentzat izan zen txapela.
