Bitxi tailerra antolatu dute Familian Jolasean programaren barruan
Hilaren 26an (larunbata) izango da jarduera Lau Haizetararen egoitzan. Izena hilaren 24a (osteguna) baino lehen eman behar da.
Familian Jolasean programaren baitan bitxi tailerra antolatu dute hilaren 26rako (larunbata). Lau Haizetararen egoitzan izango da jarduera, eta familiek bitxiak egiteko aukera izango dute bertan. Errenteriako Udalak antolatu du programa, eta aisialdiko jardueren bidez familian euskara sustatzea da helburua.
Izena hilaren 24a baino lehen eman behar da, hemen.
Izena emateko moduaren inguruko zalantzen bat izanez gero, edo, oro har, programaren inguruko informazioa nahi izan ezkero, Gazteria Sailarekin jarri behar da harremanetan. Horretarako, mezu bat bidali, 943 44 96 06 zenbakira deitu edo webgunea kontsultatu daiteke.
