Bokaleren bigarren topaketak euskaltzaleak biltzea du helburu
Hilaren 24an (osteguna) izango da topaketa Trintxerpeko alkateordetzan, 18:30etik 20:00etara. Izena aurrez eman behar da.
Bokalek –Pasaian euskara sustatzen dabiltzan eragileen elkarguneak– bigarren topaketa irekia egingo du datorren astean (hilak 24), eta protagonistek herriko eragileen arteko elkarlanerako gunean egiten ari diren lanaren berri emango dute.
18:30etik 20:00etara izango da topaketa Trintxerpeko alkateordetzan, eta hitzordua norbanako nahiz eragile euskaltzaleei bideratuta dagoela adierazi dute antolatzaileek.
Laura Ré Euskara zinegotziak adierazi du “harro egoteko modukoa” dela topagune horretan horretan parte hartzen duten askotariko eragileak egiten ari diren lana. “Geroz eta gehiago gara Pasaian euskararen alde lanean ari garen eragileak, eta bide horretan aurrera egiteko funtsezko topagunea da Bokale”.
Osteguneko (hilak 24) ekitaldian Pasaiako eragileen ordezkariek hartuko dute hitza lehenik, eta, jarraian, Amets Aranguren eta Aner Euzkitze gazte sortzaileen txanda izango da. Euren bizipenetatik gazteak euskarara erakartzeko gakoak emango dituzte horiek.
Sari banaketa egongo da ondoren, eta euskararen sustapenean nabarmendu diren egitasmo zein norbanako bat sarituko dituzte.
Azkenik, Mejillon Tigre kolektiboak emanaldia egingo du, eta ekitaldia luntx batek itxiko du.
Saiora bertaratu nahi dutenek mezu bat idatzi behar dute helbide honetara.
