Istripua eduki du Iñigo Iglesias moto gidariak Jerezko Munduko Txapelketan
Motoaren akats teknikoek eragin dute istripua. Iglesias "ongi" dago, operazio baten esperoan. Halaber, Munduko Txapelketa bukatu da eta podiumean egin du, hirugarren postuan, hain zuzen.
Gaur jokatu da Jerezen Super Sport Munduko Txapelketaren azken proba eta Iñigo Iglesias moto gidari errenteriarrak istripua eduki du frenoetako akats teknikoen ondorioz. Mototik jauzi egin behar izan du gidari errenteriarrak pistako hormaren kontra jo ez zezan, eta ondorioz, ospitaleratu egin behar izan diote. Motoa “suntsituta” geratu da.
Motorsporstek zabaldu duenez Iglesias “ongi” dago, eskuineko hankako perone eta tibian hausturak dituelarik. Gidaria operatu egin beharko dute datozen egunetan, baina zaleei eta lagunei “lasaitasun mezua” eman nahi izan die errenteriarrak. Halaber, jasotako maitasun keinuak eta babesa eskertu nahi izan ditu.
Iglesiasen denboraldia bukatu egin bada ere, Munduko Txapelketaren podiumean egin du, hirugarren, hain zuzen. Izan ere, sailkapeneko hirugarren postua kolokan jarri ahal zioten jokalariek ez dituzte punturik batu. “Etsipenez” amaitu du denboraldia errenteriarrak, baina denboraldia “ona” izan dela nabarmendu du.
