Gure Zumardia diseinatzeko adinekoen proposamenak jaso ditu udalak
Hilaren 25ean nerabeekin bilduko dira, eta 30ean, berriz, emakumeekin. Abenduan batzar ireki bat egingo dute.
Hilaren 17ko bilkurako irudi bat. Pasai Antxoko Gure Zumardia herritarrekin batera diseinatu nahi du udalak, eta horretarako abiatu duen parte hartze prozesuaren lehen bilkura egin dute. Joan den atean udaleko ordezkariak barrutiko adinekoekin izan ziren, haien proposamen eta iradokizunak jasotzen.
Aste honetan ziren egitekoak gainerako bi saioak, baian emakumeena atzeratu egin dela jakinarazi du udalak. Hala, honako hitzorduak jarri dituzte:
- Bigarren lan saioa hilaren 25ean egingo dute (ostirala da), nerabeekin bilduko dira 17:00etatik aurrera Antxoko Kultur Etxean. Gizarte talde honekin “bi ikuspegitik” egingo dute lan, udaleko iturrien arabera: “barrutiarekiko atxikimendua eta kolektiboaren errealitatera egokitutako espazioaren diseinua”.
- Hirugarren saioa hilaren 30ean izango da (asteazkena da), emakumeekin bilduko da udala. 17:00etan jarri dute hitzordua, Bekoz Bekon. Jatorri askotariko emakumeen ekarpenak jasoko dira hirugarren bilkura honetan “bestelako beharrak identifikatzeko eta horiek diseinuan kontuan hartzeko asmoarekin”.
Abenduan batzar ireki bat egingo dute bertaratu nahi duten antxotar guztiekin. Honetan, prozesuaren nondik norakoak zehatz azaldu eta herritarren ekarpenak entzun eta jasoko dituzte.
Erlazionatutako edukiaEtorkizuneko Gure Zumardia irudikatzeko antxotarrekin bilduko da udala
