Eskuz Binakako Iparraldeko Trinkete txapelketan asteburu bikaina EPLErentzat
Azken ekitaldietan amets zuten txapelketa prestigiotsu horren Lehen Mailara igo dira Taberna eta Chiapuso.
Ibon Taberna artxiboko irudi batean. Argazkia: Gipuzkoako Euskal Pilota Federazioa Asteburu ezin hobea EPLEko pilotarientzat. Erabakigarriak ziren hiru partida, igoera lortzeko eta egungo kategorian mantentzeko, eta helburuak bikain beteta bukatu dituzte partidak EPLEkoek. Urte batzuk zeramatzan igoeraren atzetik klubak, Eskuz Binakako Iparraldeko Trinketeko Txapelketa prestigiotsuan, eta azkenean iritsi da, Taberna eta Chiapusoren eskutik.
14-7 zegoen markagailua kontrako klubeko pilotarietako batek min hartu zuenean; partida bukatutzat eman zuten, eta 40-7 EPLEkoen alde.
Bigarren Mailan, Carricart eta Antton Aranburuk 40-28 Kapito Harriren kontra, eta kategoria berean lehiatzen segituko dute, hortaz.
Azkenik Eneko Aranburu eta Sorondok 32-40 garaitu zituzten Goizeko Izarra taldeko pilotariak eta Hirugarren Mailarako igoera erdietsi. partidak, Zuraide (Lapurdi), Uztaritze (Lapurdi) eta eta Donibane Garaziko trinketetan jokatu zituzten, hurrenez hurren.
Gipuzkoako Eskuzko Ohorezko Mailako Gipuzkoako Txapelketari dagokionean ez zen emaitza bera lortu. Kasu horretan eta amaiera arte borrokatu baziren ere, ez zuten lortu Etxezarreta eta Arangurenek Soraluzeko Mendizabal eta Balerdi garaitzerik; 13-22 gelditu zen markagailua. Kategoria mantentzeko joaneko partida izan zen hori eta Agustina Otaolan jokatu zuten; itzuliko partida Soraluzen jokatuko da asteburuan eta EPLEko pilotariak kanporaketa iraultzen saiatuko dira.
Larruzko pilotako lehen mailan ez zuten lortu Eskisabel eta Ruben, eta Eiheramendi eta Abelek osatutako EPLEko bi bikoteek final handira pasatzerik. Errepalako bi bikoteak izan ziren irabazleak 35-21 eta 35-23 markagailuarekin hurrenez hurren.
Asteburu honetan Yorel eta Estefanok hirugarren mailako finala izango dute jokoan, Oiangu 1en kontra. Ligaxkan lehenengo postuan sailkatu ziren EPLEkoak, eta horrenbestez bigarren mailara igo ziren zuzenean.
Balorazio positiboa egin du EPLEk herriko pilotaren gainean: “Une honetan Gipuzkoako Txapelketan ari diren Kadete eta Senior kategoriako Batzokiko eta EPLEko pilotariak, Iparraldean ari diren hiru senior bikoteak, eta errendimendu zein eskolarteko txapelketan ari diren pilotariekin 27 talde ditugu”.
