'Go!azen'-en aurrestreinaldia, Lezon
Gezala Auditoriumean ikusi ahal izango da telesail ezagunaren lehen kapitulua. Sarrera guztiak agortu egin dira.
ETB1eko Go!azen telesailaren aurrestreinaldietako bat Lezon izanen da. Gazteentzako saioaren denboraldi berriaren aurkezpena jasoko du Gezala Auditoriumak azaroaren 1ean (ostirala), 12:00etan. Sasoi berriko lehen kapitulua da Gezalan ikusi ahalko dena. Udalerri Euskaldunen Mankomunitateak (UEMA) eta ETBk egindako hitzarmenari esker gozatu ahal izango da aurrestreinaldiaz Lezon; Oarsoaldean eta Bidasoan, Oiartzun eta Hondarribia ere dira UEMAko kide. Lezoko Udalak lagundutako ekitaldia da.
Larunbateko emanaldirako sarrera doan da, baina aurrez tokiaren erreserba egin behar da. Hori egiteko Lezoko Udalaren sarreren kudeaketarako webgunera joan behar dute interesdunek. Albiste hau idazterako orduan (hilaren 28ko 10:45ean), jada agortuta zeuden gonbidapen horiek.
