'Ehun urteko gerra Palestinaren aurka' liburuaren aurkezpena, etzi
Rashid Khalidik idatzi eta Iñaki Alegria Loinazek itzuli dute liburua. Etzi izango da aurkezpena pleno aretoan. Alegria bertan izango da.
Rashid Khalidik idatzi eta Iñaki Alegria Loinazek itzuli dute Ehun urteko gerra Palestinaren aurka (Kolonialismoa eta erresistentzia, 1917 – 2017) liburua, eta etzi –hilak 14– liburuaren aurkezpena izango da udaletxeko pleno aretoan. Alegria bertan izango da.
Horrela aurkezten du Khalidik liburua: “Palestinako historiari buruzko azterketa integral bat idatzi beharrean, Palestina menderatzeko borrokan gertatutako sei inflexio-puntutan jarri dut arreta. Palestinaren patua erabaki zuen 1917ko Balfour Adierazpenetik, Israelek 2000ko hamarkadaren hasierako Gazako Zerrendako setio eta Gazako biztanleriaren aurkako aldizkako gerretara, sei gertaera horiek nabarmentzen dute Palestinaren aurkako ehun urteko gerraren izaera koloniala, baita hura burutzeko kanpoko botereek izan duten ezinbesteko eginkizuna ere. Gerra bizi izan zuten palestinarren esperientzien bidez azaldu nahi izan dut, partzialki bada ere, kontakizun hau, haien arteko batzuk nire familiako kideak, deskribatutako pasarte batzuetan presente egon zirenak. Lekuko izan nintzen gertaeretan neure oroitzapenak gehitu ditut, baita nire familiaren eta beste batzuen materialak zein lehen pertsonan idatzitako hainbat narrazio ere. Nire xede nagusia zera izan da, gatazka hau azaltzeko gailendu diren ikuspegi gehienetatik oso ezberdin den ikuspuntua ematea.”
