'Buques pesqueros de Pasajes' liburua aurkeztu dute Trintxerpen
Hilaren 9an aurkeztu zuten liburua Trintxerpeko Alkateordetzan. Pasaiako arrantza-ontzien historia aztertzen du idazleak liburuan.
Illumbeko Otxoteak eta Fato Daniel Castelao elkartearen ekimenez, Buques pesqueros de Pasajes liburua aurkeztu zuten hilaren 9an Trintxerpeko alkateordetzan.
Francisco Mosquera Figueroa idazle galiziarraren liburua da. Pasaiako arrantza-ontzien XX. mendeko historiari buruzko informazioa jaso du argitalpenean, Donostiako Untzi Museo, Altzari Buruzko Dokumentazio Zentro eta interesik gabe lagundu duten partikularrek egindako ekarpenari esker.
Liburuan jasotzen denaren arabera, Pasaiako arrantza portuan 200 itsasontzi eta 1967an 86 bakailao-ontziko flota izatera iritsi ziren. 120 orrikoa da liburua, eta herriko gune askotatik eginak dauden itsasontzien irudiak biltzen ditu.
Aurkezpenean izan ziren Teo Alberro Pasaiako alkatea, Iraitz Pazos Trintxerpeko alkateordea eta Aitor Brion Ondare eta Kultura zinegotzia.
Liburuaren aurkezpenaren ondoren Trintxerpeko Karmengo Amaren parrokian Illumbe Otxotea, Ilumbe abesbatza eta Saloutik etorritako Amalur abesbatzaren emanaldiaz gozatzeko aukera izan zen.
