Xakea ikasteko aukera Pasaiako jubilatuen elkarteetan
Hasi dira dagoeneko jubilatuentzako lehen xake saioak. Xakea onura asko dituen jarduera dela adierazi dute.
Ikasturte honetan jubilatuen elkarteetan jarduera berriak eskaini dituzte, tartean xakea. Dagoeneko egin dituzte lehen saioak.
Julen Rodriguez Kirol zinegotziak xakeak estimulazio kognitiboa lantzeko balio duela azpimarratu du, kontzentrazio, plangintza eta pentsamendu estrategikoa beharrezkoak baitira. Xakea narriadura kognitiboa eta alzheimerra bezalako gaixotasunak saihesteko baliagarria da. Joko-arauak, estrategiak eta aurreko jokaldiak gogoratu behar direnez memoriarentzako eta informazioa atxikitzeko ere onuragarria izan daiteke.
Kirol zinegotziak Pasaiako jubilatuak xakea ezagutzera gonbidatu ditu. Horretarako, ostegunetan Donibaneko jubilatuen elkartean ostegunero 10:30etatik 11:30etara Trintxerpeko jubilatuen elkartean edo ostiralero 10:15etatik 11:15etara jo dezakete interesa dutenek.
