Igandean Historiaz Jantzi, itsasora
HITZAren Igandean Historiaz Jantzi bisita gidatuen egitasmoaren bigarren saioa igande honetan izango da. Arrantzara hurbiltzeko aukera izango dute partaideek.
Igandean Historiaz Jantzi egitasmoaren barruko bigarren bisita gidatua igande honetan (hilaren 24an) izango da. San Pedron dagoen Mater Ontzi Museo Ekoaktiboa ezagutzeko aukera izango dute irteerarekin bat egingo duten HITZAkideek nahiz HITZAren harpidedunek. 12:00etan hasiko da itsaso usaineko ibilbide azaldua: izen ematea doan da HITZAkide eta HITZAko harpidedunentzat. Baliatu esteka hau izena emateko, beraz. 15 pertsonarentzat dago tokia, hortaz, erne ibili eta ahalik eta azkarren egin plazaren erreserba.
Ordubete ingurukoa izango da bisita. Bertaratzen direnek Mater ontziaren beraren historia ezagutzeko aukera izango dute alde batetik. Baina bestetik baxurako arrantzako teknikak eta moduak, Euskal Herriko arrantzaren iraganaz, eta itsasoko ingurunearen zainketaz eta errespetuaz ere jasoko dituzte argibideak bisita gidatuarekin bat egiten dutenek.
Hortaz, bertako historia, itsaso usainarekin oraingoan, HITZAri esker. HITZAkide edo HITZAren harpide izateak abantailak besterik ez baititu.
