"Sorpresaz beteriko" Santa Zezilia eguna ospatuko dute ostiralean
Ostiralean kalejira handi batek barrutiko kaleak zeharkatuko ditu. Pasaiako kultura musikalaren "omenaldi zirraragarria" izango dela aurreratu dute.
Aurtengo Santa Zezilia Eguna “sorpresaz beterikoa” izango dela aurreratu du Pasaiako Udalak. Ostirala (hilak 22) musikaz eta giroz betatakoa izango da Trintxerpen. Ekitaldi berezia izango da arratsaldean.
18:30ean hasiko da festa. Gernika plazatik kalejiran abiatuko dira Pasaiako musika eta dantza elkarte eta eragileak, barrutiko kale eta plazak alaitzen ibiliko dira. Honako ibilbidea egingo dute: Gernika plaza, Serafin Esnaola plaza, Arrandegi kalea, Borda Enea, Urgull kalea eta Donosti kalea. Andonaegikojauregian bukatuko dute kalejira.
Aitor Brion Kulturako eta Ondareko zinegotziak aurreratu du “sorpresaz beteriko” arratsaldea izango dela: “Ospakizuna, musikaz gozatzeko aukera izateaz gain, musika jardunaren inguruan pasaitar askok gure komunitatean utzi duten funtsezko lana eta ondarea aldarraikatzeko unea ere izango da. Kalejira honek pasaitarren artean musikak duen garrantzia nabarmendu nahi du, adierazpen, gizarte kohesio eta ongizate emozionalerako tresna gisa”, erantsi du Pasaia Musikaleko zuzendari Gorka Mirandak.
Brionek, azkenik, ospakizun honetara animatu ditu pasaitarrak, “gure kultura musikalaren omenaldi zirraragarria izango delakoan gaude eta”.
