Eros daiteke Oiartzungo Gure Eskuren material berria
Bihar (hilak 22) kamisetak probatzeko eta eskuratzeko aukera izango da plazan, 18:00etatik 20:30era. Internet bidez ere egin daiteke eskaera.
Oiartzungo Gure Eskuk kamiseta eta poltsa berriak egin ditu, eta dagoeneko jarri dituzte denen eskura. Bihar (hilak 22) elastikoak probatzeko eta eskuratzeko aukera izango da plazan, 18:00etatik 20:30era.
Helduen kamisetek 12 euro balio dute, haurrenek 10 euro, eta tote gisako poltsek berriz, 8 euro.
Alabaina, internet bidez ere egin daiteke eskaera. Kamisetak eskaripean ekoitziko dituzte, beraz aurrez ordaindu behar dira horiek zenbaki honetara Bizum eginda: 665 726 466. Kontzeptuan Oiartzun + eskaera egin duenaren izen abizenak jarri behar dira.
Abenduaren 10a izango da eskaera egiteko azken eguna, eta antolatzaileek jakinarazi dute kamisetak Txerri egunean banatuko dituztela.
