Oroitzapen eta anekdotaz jositako urteurrena izan da
Pasai San Pedroko herriko eskolak 100 urte bete dituela ospatu dute atzo eta gaurko ikasle, irakasle eta langileek.
Pasai San Pedroko herriko eskolatik azken 40 urteetan pasa diren ikasle, irakasle eta langileak elkartu dira gaur. Begirada atzera bota atzoko istorio eta bizipenak gogoratzeko eguna partekatu dute atzoko ikasleek eta gaurko ikasleen gurasoek. Izan ere, eraikin mitikoak 100 urte bete ditu, eta horren harira, ekitaldi xume baina era berean ederra egin dute gaur arratsaldean eraikinaren atarian, Pasai San Pedroko abesbatzak, Pasaia Lezo Lizeoak eta udalak elkarlanean antolatuta.
Ikastolaren parean, totem bat jarri dute, eskolako umeek egindako marrazkiekin, 100 urte hauen ibilbideari errepaso eginez. Haur eta gurasoek merendola eder batez gozatu dute.
1922an eraiki zuten eskola, Pedro Gaiztarro arkitektoaren eskutik eta 1924an inauguratu zen. 198ko hamarkadatik gaurdaino, hau da, azken lau hamarkadetan, San Pedroko Ikastola izan da.
HITZA ekitaldian izan da, eta honako argazkiak atera ditu:
