Koldokide: "Euskaran batu nahi ditugu munduak"
Koldo Mitxelena ikastetxeak eta Koldokide Guraso Elkarteak adierazpena egin dute Euskararen Egunaren harira: "Guretzat, euskara da zubia".
Aurtengo apirilean egindako Kultur Anizatsun jaiaren argazki bat. Euskararen Eguna da gaur, eta horren harira, adierazpena zabaldu du Koldo Mitxelena herri ikastetxeak Koldokide guraso elkartearekin batera. Publikotasunari erreferentzia egin da hasi du adierazpen hori: “Publikoa denona da, mundu guztiari zabalik dago, eta guk, Koldo Mitxelena herri eskolan euskaran batu nahi ditugu munduak”. Hizkuntza txikia eta gutxitua dela euskara nabarmen jarri dute, eta denen beharra duena, “halaber denok lotzeko aukera eskaintzan du. Guretzako, euskara da zubia”.
Denak ez direla berdinak, eta aukera berak ere ez dituztela aipatu dute ondoren, “ez ditugu denok aukera eta baliabide berak, ezta gaitasun berdinak ere, ez hizkuntzari dagokionez, ezta bizitzako beste esparruetan ere”.
Hori horrela, aukerak sortu eta baliabideak jartzeko eskaera luzatu dute ikastetxeak eta guraso elkarteak, “izateko eta egiteko aukera berak izan ditzagun; gutxien dutenentzat aukera gehiago, baliabide gehiago, euskara gehiago. Gu ere bagara”.
