Udal ludoteken eta gaztelekuen jaialdia, datorren ostegunean
18:00etan izango da jaialdia, Niessen Kulturgunean. Herriko ludoteka eta gaztelekuetako haur zein nerabeak izango dira ospakizuneko protagonistak.
Beraungo gaztelekua. Errenteriako Udal Ludoteka eta gaztelekuen jaialdia egingo dute hilaren 12an –osteguna– Niessen Kulturgunean, 18:00etan. Jaialdian ludoteka eta gaztelekuetako haur zein nerabeak izango dira protagonista, eta aisialdirako guneetan egindako ekimen ezberdinak aurkeztuko dizkiete ikus-entzuleei.
Hitzorduan, bestalde, udal ludotekek Zaria Koru Eskolarekin landu duten abestiaren emanaldia egingo dute. Horretaz gain, Lagunak 3.0 laburmetraia estreinatuko dute, eta horrekin 2022an Lagunak laburmetraiarekin hasi zuten trilogia amaitutzat emango dute.
Errenteriako herritar oro gonbidatu dute jaialdira, eta sarrera doakoa izango dela jakinarazi dute antolatzaileek.
