Bideo emanaldiak egingo dituzte egunotan Katuxulon
'USA Rock Trip' eta 'Baltoro oinez eta hegan' filmak ikusteko aukera izango da Katuxulon. Lehen saioa ostegunean (hilak 12) izango da.
Kirola oinarri, bideo emanaldiak izango dira nagusi Katuxulon –Pagoaldea poligonoa, 65– datozen egunetan. Hilaren 3an egin zuten lehen saioa, eta bigarrena ostegunean (hilak 12) izango da.
Mikel Inorizaren USA Rock Trip emango dute asteon, 19:00etan, eta protagonistak Kapitaineko Golden Gate era askean nola igo zuen kontatzen du filmak.
Hurrengo hitzordua, berriz, hilaren 19an izango da, eta saio horretan alpinismoa eta parapentismoa uztartzen dituen dokumental bat emango dute. Mattin Iñiguez Ormazabal eta Joxe Ramon Agirre Marron goierritarren Baltoro oinez eta hegan ikusteko aukera izango da Katuxulon. 19:00etan izango da hori ere.
