Beraungo zubian babes pantailak jarri dituzte
Beraungo zubian babes pantailak ezartzeko eskaera Bizarain Ikastolako ikasleen Guraso Elkarte eta Beraungo auzo elkartearengandik zetorren. Uztailetik azaro arte iraun zuten lanek.
Beraungo GI-20 errepide gaineko zubiak San Markos, Txirrita-Maleo industrialdea eta Bizarain Ikastola lotzen ditu. Bada, Bizarain Ikastolako ikasleen Guraso Elkarte eta Beraungo auzo elkartearen eskaeraren harira, uztailean hasitako babes pantailak jartzeko lanak azaroan bukatu dira. Aurreikusitakoa baino gehiago luzatu dira lanak materiala lapurtu baitzuten, eta material hori berriz ekoiztu behar izan baitzen.
Gipuzkoako Foru Aldundiaren errepideei buruzko araudia jarraituz, bi aldaketa nagusi egin dira. Autobidearen aldeko baranda segurtasun araudiak ezartzen duena baina gorago igo dute, 1,40 metrora, hain zuzen ere. Errepidearen aldean, ordea, pertsonak eguraldiagandik babesteko bi metroko polikarbonatozko pantailak jarri dituzte.
Lanek 68.360,46 euroko inbertsioa eskatu dute.
