Erraldoi Txikien kale bueltarekin hasiko da aurtengo Txerri Eguna
Antolatzaileek baserritar jantziarekin joateko deia egin dute, eta, saria egongo dela ere jakinarazi dute.
Artisauen azoka da Txerri Eguneko ardatzetako bat. Larunbat honetan (hilak 14) ospatuko dute Oiartzunen Txerri Eguna, eta postuak Madalensoro eta Elizalde Ikastetxeko frontoian egongo dira.
11:30ean hasiko da eguna Erraldoi Txikien kale bueltarekin, eta Abaraxkak eta Soinueneak antolatu duten jarduera herriko plazatik abiatuko da. Jarraian, 12:00etan, herriko ikastetxeetako dantza emanaldiak egingo dituzte bi guneetan; eta, azkenik, Olarri dantza taldeak emanaldia egingo du beheko plazan.
Antolatzaileek baserritar jantziarekin joateko deia egin dute. Gainera, saria egongo dela ere jakinarazi dute.
