Gabonetako egitarau mamitsua, Koldo Mitxelena eta Koldokideren eskutik
Koldo Mitxelena ikastetxe eta Koldokide guraso elkarteak Gabonetarako egitaraua antolatu dute. Hilaren 10ean hasi eta hilaren 24ean bukatuko da.
Koldo Mitxelena ikastetxeak eta Koldokide guraso elkarteak jarduera ugari antolatu dituzte Eguberriak ospatzeko. Ondare kulturala aniztasunetik eta euskaratik bultzatu nahi dute egitarau honen bidez, “Olentzero eta Mari Domingiren magia gure haurrekin sentitu” ahal izateko.
Gaur, hilaren 10ean, emango diote hasiera egitarauari baserritar buruko zapia janzten ikasteko tailerrarekin, 16:30etan Biteriko liburutegian. Ordu berean baserritar jantzien mailegurako lehen hitzordua jarri dute gaur Biteriko Koldokide gelan. Hilaren 13an 16:30etatik 17:00etara eta 14ean 10:00etatik 11:00etara ere izango dute herritarrek jantziak mailegatzeko aukera.
Hilaren 20an Olentzero eta Mari Domingik Koldo Mitxelena ikastetxearen hiru eraikinetara bisita egingo dute.
Egitaraua ixteko, hilaren 24ean kalejira antolatu dute herriko kaleetan zehar. 10:45etan Markolako patioan hasi, 11:15etan herriko plazatik pasa eta Biteriko patioan bukatu da. DBH4ko ikasleek prestatuko dute hamaiketakoa, eta sorpresa gehiago ere izango direla iragarri dute.
Koldo Mitxelenako komunitatetako kidegoaz haratago, herritar oro gonbidatu dute ospakizunetara.
