'12 cm' erakusketa, markak hausten
Inoizko partaidetza handiena izango du 29. edizioak. Ostiralean inauguratuko dute erakusketa, arratsaldez.
San Pedroko udal aretoan izango da erakusketa. Datorren ostiralean (hilak 13) 12 cm erakusketaren 29. edizioa zabalduko dute San Pedroko Udal Aretoan. Formatu txikiko askotariko artelanak izango dira ikusgai bertan, ostiraleko 19:00etatik aurrera.
Aurten, orotara, 307 lagunek eman dute izena. Udaleko iturriek aipatu dute partaideen kopuruaren “marka apurtu” dutela aurten: “Aurten ilusio bereziz iragartzen dugu erakusketa, partaide kopuruaren errekorra gainditu baita edizio honetan. Iaz bezala, aniztasuna izango da edizioaren ezaugarririk nagusiena, izan ere, arte diziplina eta teknika ugaritako lan bikainak jaso dira: pintura, eskultura, argazkigintza, serigrafia, bideoa…”.
Urtarrilera bitarte bisitatu ahal izango da, honako ordutegian: asteartetik larunbatera 18:00etatik 21:00etara; igande eta jai egunetan 11:00etaik 14:00etara; eta hilaren 24an, 25ean eta 21n eta urtarrilaren 1, eta 6an itxiko dute.
Aurtengo edizioa iragartzeko kartela Myn Hiuk Na artistak egin du.
