Kote Camachoren film bat, Goya sarietarako aurre-hautatua
'Puzzleak. Bortxaketaren Jauregia' Goya sarietako film labur dokumental onenen sarirako aurre hautagai gisa aukeratu dute.
Kote Camacho oiartzuarraren Puzzleak. Bortxaketaren Jauregia 2025eko Goya sarietako film labur dokumental onenen sarirako aurre-aukeratu dute. Beste hamasei filmekin dago lehian Camachoren filma, eta Zine Akademikoek hilaren 13ra arte dute bozkatzeko aukera. Kote Cabezudo argazkilariaren biktima bat gorpuzten du protagonistak.
Honakoa da filmaren sinopsia: Neska batek, interneten dabilen bere irudi biluzia ikustean, berriz bizi behar izan du bere bizitzako unerik traumatikoena, burutik erabat ezabatua zuena. Arazoari aurre egitera behartuta, bera bortxatu, grabatu eta irudia zabaldu zuen gizona ikertu eta salatuko du: Donostian oso ezaguna den argazkilari boteretsua, bere burua babesteko sare sendoa duena atzetik. Justiziaren aparatoak ez ikusiarena egiten duenean, kasua publikoa egitea baino ez zaio geratzen.
Enara Martinez, Maddi Goikoetxea, Clara de Pin eta Mikele Arizkorreta dira aktoreak. Komiki Films SL-k ekoitzi du film laburra, eta hamabost minutuko iraupena du. Elena Setiének egin du filmaren musika.
