'Yogipuinak', hilaren 30ean
'Yogipuinak' saioaren bidez ipuina eta yoga uztartuko ditu Maite Arrese Artabek. Bost urtetik gorakoei zuzendua dago.
Yogipuinak saioan yoga egiten duten bitartean ipuin bat irakurriko dute parte-hartzaileek, irakurzaletasuna eta irudimena lantzeko asmoz. “Yogak natura imitatzen du eta guk ere halaxe egingo dugu ipuin, kondaira eta istorioetan barrena: erakustea emozionatzea delako”, diote antolatzaileek.
Maite Arrese Artabe ipuin kontalari eta yoga eta meditazio irakasleak dinamizatuko du saioa, eta bost urtetik gorakoei irekia dago.
Hilaren 30an, Lekuona Fabrikan 11:00etan jarri dute hitzordua. Internet bidez har daitezke sarrerak.
