Arraztalok gizarte hezitzaile bat behar du
Astean, astelehenetik ostiralera, 25 orduko jardunaldia eskaintzen dute. 2025eko otsailean hasiko litzateke aukeratua.
Arraztalo “aldaketa fase batean” dagoela zehaztu du elkarteak, eta ondorioz, datozen urteetan haien proiektuaren parte izango den pertsona baten bila dabiltza. Azaldu dutenez, pertsona horrek gaixotasun mentala duten pertsonei beraien bidea egiten lagunduko die. Arraztaloren hasierako printzipioekin bat egin behar du, eta nekazaritza gustatu behar zaio.
Hauek dira lan eskaintzaren xehetasunak:
- Lanpostuaren deskribapena: Nekazaritzan oinarritutako gizarteratze programarako hezitzailea. Buru osasun arazoak dituzten pertsonen arretarako pertsona bila gabiltza, lan ingurune babestu batean beraien garapena lagundu eta nekazaritza ustiapenaren antolaketaz arduratzeko.
- Eginkizunak:
- Desgaitasuna duten langileen arreta eta gainbegiraketa.
- Nekazal ustiategiaren antolaketa: lanen plangintza, lantaldeen antolaketa eta jarraipena.
- Nekazaritza lanak: barazkien landaketa, mantentzea eta bilketa.
- Nekazaritzako makinaria erabilera.
- Bezeroei banaketak eta arreta.
- Senideekin eta inguruko erakundeekin koordinazioa.
- Elkarteko ekintzen antolaketan laguntza eta dinamizazioa.
- Lanpostuaren baldintzak:
- Astean 25 orduko jardunaldia.
- Astelehenetik ostiralera, 8:00etatik 13:00etara (%62,5eko jardunaldia).
- 6 hilabeteko kontratu luzagarria.
- Hasiera data: 2025eko otsaila.
- Hautagaiek bete beharreko baldintzak:
- Erdi mailako edo goi mailako lanbide heziketako teknikari titulua, gizarteratzean edo antzekoak.
- Nekazaritzan edo baserri lanetan esperientzia, gutxienez bi urtez sektorean. Edo, ahal dela, erdi mailako edo goi mailako lanbide heziketako teknikari titulua, nekazaritza produkzioan edo antzekoak.
- Euskara menderatzea (ahoz eta idatziz). Ahal dela, egiaztatutako euskararen eskakizuna, C1 eskakizunaren baliokidea.
- Gidabaimena izatea.
- Arraztalo elkarteari buruz:
- Arraztalo Oiartzungo gaixotasun psikikoa duten pertsonen eta senideen elkartea da. Orain dela hamalau urtetik nekazal ustiategia du martxan Oiartzunen eta bertan sei pertsonako lantalde bat aritzen da lanean.
- Barazkien ekoizpena kontsumo talde baten bidez eta inguruko merkatarien bidez merkaturatzen da.
- Nekazal ustiategian desgaitasuna duten pertsonentzako lanpostu babestuak ditugu. Ordutegi eta baldintza malguekin, gaixotasun mentalak eragindako ondorioak gainditzen laguntzeko.
- Izen ematea:
- Bidali curriculuma helbide honetara.
