Hilaren 31n izango da Etxera Lasterketa Herrikoia
Haurren lasterketa 10:30ean abiatuko da, eta herri lasterketa, berriz, 11:00etan. Izena eman daiteke dagoeneko.
Abenduaren 31n egingo da 6,5 kilometro izango dituen lasterketa herrikoia. Urtea aldarrikapenekin bukatzea izango du helburu eta horretarako korrikalarientzat ez ezik, denentzako jaia, jatekoa eta musika eskainiko dituzte herriko plazan.
Lasterketaren eguna izango da izena emateko azken eguna, 09:30etik 10:15era. Dortsalak ere une horretan jaso beharko dira. Hala ere, aurretik inskripzioa egiteko aukera ere irekita dago hilaren 29ra arte herri krosaren webgunean, Miren tabernan, txokolategian edo kiroldegian. Dortsalaren prezioa 10 eurokoa da eta egunean bertan egiten duenak 15 euro ordaindu beharko ditu.
Adin txikikoek ere online eman ahalko dute izena hilaren 26an, herri krosaren orrialdean. Gurasoen baimen orria ere bete beharko dute. Hots, egunean bertan, herriko plazan izena emateko aukera ere egongo da. Zalantzak argitzeko honako helbide elektronikoa ahalbidetu dute.
Haurren lasterketa 10:30ean abiatuko da, eta herri lasterketa, berriz, 11:00etan. Behin bi ekitaldiak bukatuta, sari banaketa egingo dute.
