Urtarrilean zabalduko dute Euskaltegira matrikulatzeko epea
Urtarrilaren 7tik aurrera Udal Euskaltegiko maila guztietan izena emateko aukera irekiko dute. Prezioa ordu kopuru eta lan egoeraren arabera aldakorra izango da.
Urtarrilaren 7tik aurrera euskarako A1, A2, B1, B2, C1 edo C2 maila lortu nahi duen orok Errenteriako Udal Euskaltegian izena emateko aukera izango du. Astean 5, 10, 15 edo 20 orduko ikastaroak eskaintzen ditu euskaltegiak, eta klaseak goiz, eguerdi edo arratsaldez izaten dira.
Ikastaro ordu kopuruaren araberakoa izango da matrikula prezioa. Baina, lan egoeraren arabera ere alda daiteke prezioa, langabetuentzat doakoa izango baita, eta landunentzat errenta mailaren arabera egokituko baita. Guraso direnek kenkari bereziak izango dituzte matrikulan.
Edozein zalantza argitu nahi duenak Udal Euskaltegira bertara jo dezake, astelehenetik ostegunera 09:00etatik 17:00etara eta ostiraletan 08:00etatik 14:00etara irekia baitute bulegoa.
Izena eman nahi duenak 943 449 680 edo 647 680 927 telefonoetara deitu edo euskaltegi@errenteria.eus helbidera idatzi dezake.
