Barrexerka elkartearen 'Nahastumbury' antzezlana, Landetxen
Umorezko esketxak eta antzerkiak uztartzen dituen ordubeteko emanaldia da 'Nahastumbury'. Otsailaren 16an egingo dute antzezlana, Landetxen.
'Nahastumbury' antzezlanaren irudi bat. Argazkia: Barrexerka (www.instagram.com/barrexerka/). Barrexerka elkartearen antzezlana da Nahastumbury, umorezko esketxak eta antzerkiak uztartzen dituen ordubeteko emanaldia, hain zuzen. Oiartzunen ere egingo du geldialdia antzezlanak; otsailaren 16an izango da, Landetxen.
Oiartzungo Antzerkizale elkarteak antolatu du hitzordua, eta saioaren zuzendariak Maialen Sorzbabalbere eta Mikel Irazusta dira. Hots, aktoreak Ekain Arrieta, Graxi Arregi, Nerea Aranburu, Amaia Iraundegi, Amaia Rojo, Mikel Irazusta, Maialen Sorzbabalbere eta Garazi Mitxelena dira.
Honakoa da lanaren sinopsia: Pertsona batek, laguntasun batek, boligrafo batek, untxi batek, lokal batek… guztiak du bere historia. Ezberdina izaten da, ordea, benetako historia eta horretaz gogoratzen dena. Auzoko bizilagunek teoria hori egiaztatzen duten maiz, baina ezin daiteke asko fidatu haiek ahotik irteten denaz.
Hamasei urtetik gorakoentzat da antzezlana, eta sarrerak hemen eros daitezke.
