Girizia Mendi Taldeak ibilaldia egingo du Oiartzundik Lesakara
Hilaren 26an –igandea– izango da irteera, eta izena aurrez eman behar da hilaren 22a baino lehen. 25 euro ordaindu behar dira izena ematerakoan.
Girizia Mendi Taldeak ibilbidea egingo du Oiartzundik Lesakara hilaren 26an –igandea–. Done Eztebe plazatik abiatuko dira 8:30ean, eta handik, Arditurriko bidegorrian barna, Arritxulora, San Antonera, Gardelsorora eta Amargunko lepora joango dira. Bidea Lindurrenborda sagardotegiko bazkari batekin amaituko dute.
Lau ordu eta erdiko ibilaldia izango da, eta bertan parte hartzeko izena aurrez eman behar da asteazkena –hilak 22– baino lehen Txokolategian edo online. Hots, 25 euro ordaindu beharko dira izena emateko orduan. Bazkaria eta autobusaren tarifa 45 eurokoa da.
Antolatzaileek zehaztu dute ardoa ez dagoela menuaren barruan, eta hartu nahi duenak aparte ordaindu beharko duela.
