Asteazkenean egingo dute urteko lehen udalbatzarra
Hilaren 29an egingo dute udal osoko bilkura, 18:00etan, eta 2025erako zenbait hitzarmen eta proiektu landuko dituzte bertan.
Etzi –asteazkena, hilak 29, 18:00– egingo dute Oiartzungo Udalean urteko lehen bilkura. 2025 honetarako zenbait hitzarmen eta proiektu landuko dituzte udalbatzarrean; hala nola ekarpen ekonomikoak, urteko aurreikuspenak, Urmendi udal haur eskolari eta Soinueneari egingo zaien ekarpena…
Jarraian, bilkurako gai zerrenda.
- Aurreko batzarrei dagozkien akten onarpena.
- Etxez etxeko laguntza zerbitzua finantzatzeko Gipuzkoako Foru Aldundiaren eta Oiartzungo Udalaren arteko hitzarmenaren ondorio ekonomikoak zabaldu eta hasierako indarraldiari amaiera emateko hitzarmena.
- Oiartzungo Udala eta Haurtzaro Ikastolaren arteko hitzarmenaren araberako 2025eko diru-laguntza ordaintzea mantenu gastuetarako.
- Oiartzungo Udala eta Soinuenea Fundazioaren arteko hitzarmena onartzea: 2025eko diru-laguntza ordaintzea eta 2024ko azken ordainketa egitea.
- Obra txikiak burutzeko aldez aurreko jakinarazpenaren araubidea. Haserako onarpen proposamena.
- Oiartzungo HAPOren 3. aldaketa, udalerriko erabilera turistikoak eta turismo ostatuko establezimenduen hirigintza ant0lamenduari dagokion Ordenantza aldatzea.
- 2024-02 Preskribatu eta kobraezinen zerrendak.
- 2025. urterako Oiartzungo udal ikastola Partzuergoko ekarpen ekonomikoa.
- 2025eko kontratazio planaren onarpena.
- Oiartzungo Udaleko herritarrentzako arreta zerbitzu integrala arautzen duen ordenantzaren hasierako onarpena.
- Antolaketa eta Kontu Berezien Batzorde Informatibo iraunkorraren maiztasuna aldatzea.
- 2025eko udal egutegi instituzionala.
- 2024 urteari dagokion udal inbentarioaren aldaketak eta eguneraketa.
- Beste organoen jardueraren jarraipena.
- Eskariak eta galderak.
