Pleno aretoa bete dute Villarrek eta Gaztañazpik
Girizia Mendi Taldeak antolatu zuen hitzordua, eta '¡Eh petrel! Cuaderno de un navegante en solitario' liburuaren pasarteak errezitatu zituzten.
Pasa den ostiralean lepo bete zuten Oiartzungo pleno aretoa Julio Villar eta Ibon Gaztañazpik euren emanaldiarekin. Villarrek haren zenbait mendi ibilbide eta abentura izan zituen hizpide; gainera, musikak girotuta, ¡Eh petrel! Cuaderno de un navegante en solitario liburuaren pasarteak errezitatu zituzten ekitaldian. Gaztañazpik liburu hori bera itzuli zuen euskarara duela bi urte.
Gaztañazpik ere hartu zuen hitza zenbaitetan, eta azaldu zuen aspaldiko abenturak izanagatik ere, “lau urte eta erdian egindako balentria hura ziurrenik inork egin gabea” izango zela. Motorrik eta inolako gailu elektronikorik gabe, zenbait herri ezagutu zituen Villarrek bidaia horretan.
Arretaz entzun zituzten bertaratutakoen Villarren hitzak, eta amaitutakoan bi protagonistek liburuak sinatu eta argazkiak atera zituzten.
Jarraian, ikus entzuleek HITZAri bidali dizkien zenbait argazki:
