Bi lotura berri ditu Oiartzungo bidegorriak
Zurko baserri inguruko bidea da eraldatu dutenetako bat; bestea, aldiz, Orlegimendi etxandia eta Ugaldetxoko bizikleta pista lotzen dituen bidea.
2024ko Oiartzungo Mugikortasun Planean azaltzen da herriko mugikortasunaren ardatza dela bidegorria; hortaz, Zurko baserri inguruko bidea zein Orlegimendi etxadia eta Ugaldetxoko bizikleta pista lotzen dituen bideak ondu dituzte 22.000 euroko inbertsio batekin.
“Aurreko legealdian egindako lanei esker, bidegorri sarea auzo guztietara iristen da dagoeneko eta, orain, udalaren helburuetako bat da auzoguneetara lotura berriak sortzea, komunikazioa eta irisgarritasuna erraztuz”.
Zehaztu dutenez, Zurko baserri inguruko bidea txukuntzeari esker Iturriozko Tronpeo malda handia saihesteko aukera izango da. Aldiz, Ugaldetxoko lotura berriarekin Orlegimendi eta Mendin Zar etxadiek lotura zuzenagoa izango dute bidegorri sarearekin.
“Bidegorria herriko mugikortasunaren bihotza da, eta orain artekora bi zati hauek gehitzeak hartutako konpromisoa berrestea dakar”, dio Agustin Lekuona Hirigintzako zinegotziak. Bide horretan, eta “auzoen arteko komunikazioa eta irisgarritasuna hobetzeko”, bidegorrira lotura irisgarriak egiteko asmoa erakutsi du zinegotziak.
